moon1Madilim ang gabi, malamig ang simoy ng hangin
Kinakausap ang langit na ika’y bumalik na sa akin
Sa tala nakatingala, nangingilid ang mga luha
Pinagdudugtong mga bituin ginuguhit ang iyong mukha

Liwanag ng buwan, gabay ko patungo sa’yo
Kinakausap ang hangin na ipadala ang init ng yakap ko
Binabalikan sa isipan, ang tamis ng nakaraan
Binubulong sa sarili “bakit mo siya pinakawalan?”

Ngiti at boses mo, ako’y nangungulila
Sa init ng iyong halik ramdam ang pag-aalaga
Dalangin ko lang ay muli kang makapiling
Malungkot na puso’y hinihintay ka na dumating.

Advertisements